მთავარი

ჩვენ შესახებ

არტ გალერეა “Noblesse” არის ერთგვარი რეკონსტრუქცია საოჯახო არტ სალონისა,რომელიც დიდი წარმატებით ფუნქციონირებს 1995 წლიდან.

სწორედ არტ სალონის წარმატებული საქმიანობის საფუძველზე გაჩნდა ახალი არტ გალერეის დაარსების იდეა,რომელიც იქნებოდა უფრო დიდი სივრცე,მოდერნიზებული და თანამედროვე სტანდარტების შესაბამისი,მასშტაბური პროექტებით.

გალერეა მიზნად ისახავს: თანამედროვე ქართველი ხელოვანების მხარდაჭერას, განსაკუთრებით ქალი, შშმ და საქართველოს ოკუპირებული ტერიტორიიდან დევნილი ნიჭიერი მხატვრების წახალისებას; ხელოვნების ფართო მასებისთვის ხელმისაწვდომობას; საერთაშორისო კოლეგებთან აქტიურ თანამშრომლობასა და ქართული კულტურის პოპულარიზაციასა საერთაშორისო დონეზე;

გალერეის მთვარი ღირებულებებია:

◇ კეთილსინდისიერება;

◇ პასუხისმგებლობა;

◇ ხარისხი;

◇ ინკლუზიურობა;

◇ კონსერვაცია;

გალერეა “Noblesse” წარმოაჩენს მიმდინარე მხატვრულ პროცესებს და მიზნად ისახავს მათ ახალ ისტორიულ კონტექსტში წარდგენას.

გალერეა ორიენტირებულია, წარმოაჩინოს ქართველ მხატვართა სხვადასხვა თაობა და შექმნას მემკვიდრეობითობის თავისებური კონტექსტი.

გალერეა, კომერციული პროფილის პარალელურად, აქტიურად ჩართულია სხვადასხვა სახის სოციალურ აქტივობასა თუ კულტურულ-საგანმანათლებლო საქმიანობაში. სისტემატიურად აწყობს როგორც სოლო გამოფენებს,ისე თემატურ საკოლექციო ექსპოზიციებს და ქმნის ღია პლატფორმას თანამედროვე ქართული სახვითი ხელოვნების არტ-სივრცეში. თითოეული გამოფენა იქნება დაარქივებული და სათანადოდ კატალოგიზირებული.

გალერეა “Noblesse” გამორჩეულია ფართო საერთაშორისო კავშირებით. იგი გახლავთ საქართველოში საფრანგეთის სავაჭრო და ინდუსტრიული პალატის წევრი. გალერეა პერმანენტულად აპირებს საქმიანი და კრეატიული ურთიერთობების არეალის გაფართოებას.