გია გუგუშვილი

გია გუგუშვილი ცნობილი ქართველი მხატვარი და გრაფიკოსია. დაიბადა 1952 წელს ქ.თბილისში. 1977 წელს დაამთავრა თბილისის სახელმწიფო სამხატვრო აკადემია (თსსა). 1980-1988 წლებში ხელმძღვანელობდა სახვითი ხელოვნების დეპარტამენტს თბილისის მხატვრის სახლში. 1986-1996 წლებში ეკავა საქართველოს მხატვართა კავშირის საბჭოს მდივნის პოზიცია, ხოლო 2000-2004 წლებში საქართველოს ფოსტაში "საქართველოს სტამბის" თავმჯდომარე გახლდათ. 2004 წლიდან დღემდე თბილისის სახელმწიფო სამხატვრო აკადემიის პროფესორია. 2004-2006 წწ. იყო თბილისის სახელმწიფო სამხატვრო აკადემიის პრორექტორი. 2006-2009 წლებში თსსა-ს სახვითი ხელოვნების დეკანი, ხოლო 2014 წელს აირჩიეს თბილისის სახელმწიფო სამხატვრო აკადემიის რექტორად, სადაც ხელმძღვანელობს დღემდე.